CENTRO SOCIAL GORGULLÓN (Mapa)

Situado en Pontevedra, nas rúas Sarmiento de Gamboa e Curtidoira, o Centro Social Gorgullón é un espazo  polivalente aberto a todos os veciños e veciñas. Unhas instalacións accesíbeis que habilitan diversas salas multifuncionais para reunións, proxeccións, obradoiros, charlas, conferencias,... coa iniciativa e participación de maiores e pequenos.

Inaugurado o 4 de febreiro de 2011, este Local Social  está xestionado de forma compartida pola Asociación Veciñal Eduardo Pondal e o Concello de Pontevedra. Este último axuda a estimular e promover  a programación do Centro Social destinando actividades relacionadas co departamento de Muller, Servizos Sociais e Xuventude, atendendo a  unha demanda histórica da Asociación tras quedar sen o Local Social situado nos terreos da Estación.

Pola súa banda, a Asociación de Veciños Eduardo Pondal é a encargada do mantemento do local, sostén unha ludoteca,  unha biblioteca doada polos socios, sala de lectura, zona wi-fi e diversas estancias para o encontro dos veciños. Impulsando dende hai máis de 20 anos a integración da zona sur no ámbito  xeográfico, social e cultural de Pontevedra é, na actualidade, a Asociación Veciñal con maior número de socios  de toda a cidade.










Visualizar o mapa ampliado